【明報專訊】距離渣打香港馬拉松開跑仲有4日，天文台預料比賽當日(21日)氣溫顯著下降。有中醫師建議跑手賽前一周戒口，避免食糯米、生冷寒涼、酸味和辛辣食物，而比賽當日若果跑到抽筋，都可以按穴位「陽陵泉穴」兩三分鐘紓緩一下。至於賽後，則建議浸足浴，以增強氣血循環，紓緩肌肉疲勞。
渣馬跑手賽前戒食酸辣糯米 中醫:倘抽筋按穴位兩三分鐘
浸大中醫藥學院臨牀部講師李晋豪話，跑手賽前一周要注意飲食，忌食糯米同芝士等性質黏膩嘅食物，因為難消化，多食易傷脾胃。佢特別提到，筋骨受傷嘅跑手，例如患處紅腫熱痛、有瘀，就千祈咪食糯米，因為會減慢氣血流通，隨時愈食愈痛。佢仲話要戒食酸味同辛辣食物，例如菠蘿，同埋薑、葱、蒜等香辛料，事關食酸易令筋肉收縮，食辣就易耗傷氣血，影響臨場發揮。
| 【升學規劃意見調查】填寫海外升學問卷調查，有機會獲得$50超市券 |
