小朋友無心機讀書，默書讀極唔識，功課錯漏百出……是否ADHD？
影響小朋友學習的原因眾多，未必一定是ADHD，有時可能是視力或聽覺出問題，或只是因為睡眠不足，導致無精神專注學習；但亦可能是患有腦癇症。兒科專科醫生楊穎欣指出，香港小朋友「好多時唔瞓覺」，有3歲小朋友晚上11、12點才上牀睡覺，翌日早起上學自然「無精神」，上課時無心機，難以吸收新知識。小朋友測驗考試成績欠佳，家長應先檢查小朋友睡眠情况，例如作息時間，或有否受鼻敏感、睡眠窒息症等影響睡眠質素，如有懷疑宜及早求醫。
家庭醫生鄭志文亦稱，有些小朋友做功課比較慢，但又要完成才能上牀睡覺，「夜瞓給家長鬧，翌日又無精神，令學習又再差一點，再加上一大堆功課，結果又要夜瞓，形成惡性循環」。因此家長必須正視及改善兒童睡眠不足的情况。
另外，小朋友經常失神發呆，父母誤以為是專注力不足，但可能是失神性腦癇症的徵狀。楊穎欣稱，患有腦癇症的小朋友，無論是做喜歡或不喜歡的事情，都有可能出現「突然斷片」的失神情况，「就算食雪糕、行街途中，突然好像定鏡一樣，有時更可能在睡覺時抽筋」。
| 【升學規劃意見調查】填寫海外升學問卷調查，有機會獲得$50超市券 |
